Ceremonias
simbolicas cun sentiment, persunalitad ed ils dretgs plaids.
Motiv per ina ceremonia simbolica
Stil. Sentiment. Plaids da cor.
Accumpignament persunal, plaids che van a prau ed in'atmosfera magica.
Jeu. Ti. Nus.
Vossas ideas e vos giavischs daventan realitad.
Maun en maun
Dall'idea alla realisaziun - jeu sun cheu per vus.
Con cuosta ina ceremonia simbolica?
Mintga nozza ei aschi individuala sco il pèr sez. Jeu informeschel bugen vus en in discuors persunal davart mias purschidas e pusseivladads.
Per tgi ei ina ceremonia simbolica adattada?
Per tut ils pèrs che giavischan ina ceremonia che va propi a prau cun els: persunal, profund, emoziunal e senza in muossavia tradiziunal. Vus vuleis buc exnum maridar en baselgia, vus vuleis metter vies raquent el center ni vuleis semplamein encurir in rom special per vies GIE: Lu essas vus el dretg liug! Beinvegni tier da-cor
Sandra
Jeu lavurel bugen cun lungatgs, sun fetg aviarta e communicativa ed hai il cor el dretg liug. Mias ceremonias neschan el discuors cun vus ed ein perquei fetg persunalas, individualas, autenticas e semplamein da cor.
Miu sensori per carstgauns, pil lungatg, e per lur historias ei mia fermezia. Jeu carezel ei da tedlar attentamein, sediscuorer, esser creativa e schar nescher ina ceremonia ch'ei aschi individuala sco la historia d'amur che colligia dus carstgauns.
Sin mia via hai jeu astgau luvrar sco scolasta primara, lu sco moderatura da radio ed il mument sun jeu secretaria regiunala d'ina uniun. Sper mia lavur quotidiana hai jeu adina puspei astgau accumpignar concerts, raquintar historias e gidar a crear muments specials cun mia vusch. Aunc oz dun jeu meinsvart mia vusch a divers films documentars da RTR.
Jeu selegrel d'astgar impunder mia experientscha enten crear per vus in mument tut spezial ed individual.
Sandra Killias, fundatura
Miu lungatg matern
Entgins plaids van semplamein pli profund en in cert lungatg. Perquei astga vossa maridaglia era esser plurilingua, ual sco ei va a prau cun vus e vossas famiglias. Ils lungatgs ch'jeu fetsch amogna anflas sut lungatgs
La via alla ceremonia simbolica
Per tut ils pèrs che giavischan ina ceremonia che va propi a prau cun els. Per tut ils pèrs che giavischan ina ceremonia che
Emprender d'enconuscher
En in discuors nunligiont mirein nus sche la chemia constat e tgei giavischs che vus haveis per vies di
Vossa historia persunala
En discuors persunals emprend'jeu d'enconuscher vus empau meglier (il pli bugen en discuors singul) - vossa historia, vos muments specials, vossas valurs e quei che colligia vus.
Crear la ceremonia
Sin basa da nos discuors nescha vossa ceremonia persunala ed individuala.
In mument che s'auda mo a vus
Il di da vossa nozza accumpogn'jeu vus cun mia ruasseivladad, mia preschientscha e cun plaids che dattan la dretg'atmosfera a quei di spezial.
Lungatgs
Lungatg creescha vischinonza. El salva regurdientschas, raquenta da derivonza e meina ensemen carstgauns.
Vossa historia el lungatg ch'unescha vus
Il lungatg transportescha l'emoziun, la memoria e l'identitad.
Per vossa nozza savein nus bugen cumbinar plirs lungatgs sco:
- romontsch (sursilvan e rumantsch grischun)
- tudestg (bündnerdütsch e tudestg da scartira)
- cuorts inputs per franzos, talian ni engles fussen franc era pusseivels (cun in tec sustegn)
romontsch
schwiizerdütsch
hochdeutsch
Jeu selegrel d'emprender d'enconuscher vus e vossa historia
Indichei vies datum preferiu e vos giavischs. Jeu selegrel sin nies emprem contact.
Telefon: +41 78 722 53 73
Mail: sandra@da-cor.com